Enkonduke al la kongresa temo : la pacisma aliro al Esperanto / Javier Alcalde ; 2-a Virtuala Kongreso de Esperanto, 17-a julio 2021

Abstract

Enkonduka prelego de la kongresa temo "Paco kaj konfido: universalaj valoroj". Javier Alcalde reportas nin en sia kontribuaĵo al niaj radikoj: interkompreniĝo inter homoj cele al paco inter popoloj. La tre firmaj ligoj inter la naskiĝanta pacmovado kaj la naskiĝanta Esperanto-movado estos skizataj kune kun iliaj evoluoj tra la ĉefaj historiaj eventoj de la pasinta jarcento. Kio pri la nuntempo? Eblas argumenti, ke Esperanto esprimas sin en la formo de emfazo pri lingva justeco ene de la reganta paradigmo de pacifismo, nome pozitiva paco. Tiel la Esperanto-movado konservas la zamenhofan idealon kaj adaptas ĝin al la nuna tempo. Tiu prezento estis pretigita okaze de la 2-a Virtuala Kongreso de Esperanto (VK), okazinta en julio 2021.